Activo un incendio iniciado de noite que afecta a 20 hectáreas en Riós

Un incendio que comezou ás 23,05 horas do xoves no concello ourensán de Riós permanece activo e queimou xa unhas 20 hectáreas, de acordo coa información da Consellería do Medio Rural.

En concreto, o lume afecta á parroquia de Castrelo de Abaixo. Medio Rural lembra que a estimación da superficie queimada é provisional, ata que se parametrice a área.

Para os labores de extinción mobilizáronse ata o momento tres axentes, oito brigadas e sete motobombas, indicaron as mesmas fontes.

Incendio en Riós | Fonte: Brigada Vilamaior.