Case o 80% dos parados galegos non se moveron da súa residencia nos últimos cinco anos
O 2,1% dos ocupados en Galicia no primeiro trimestre cambiou de municipio de residencia fai menos dun ano
Por Europa Press / Redacción | A CORUÑA | 25/09/2020 | Actualizada ás 12:22
O 2,1% dos ocupados do primeiro trimestre deste ano en Galicia cambiou de municipio de residencia fai menos dun ano, segundo o informe de Mobilidade Laboral e Xeográfica, publicado este venres polo Instituto Nacional de Estatística (INE).
Esta porcentaxe sitúase por baixo do rexistrado a nivel estatal, cun 2,8% dos ocupados que cambiou de municipio de residencia. A maioría deles, dentro da mesma provincia. Respecto dos parados, a porcentaxe dos que non cambiaron de municipio de residencia en polo menos 5 anos é en Galicia do 78,1%, unha porcentaxe tamén por baixo do rexistrado a nivel estatal, cun 79,6%.
En todo o Estado, case un de cada tres ocupados (31,8%) non cambiou de municipio de residencia desde o seu nacemento. O 4,6% dos asalariados con contrato temporal cambiou de municipio deresidencia fai menos dun ano, fronte ao 2,3% dos que teñen contrato indefinido.
O 4,7% dos parados cambiou de municipio de residencia fai menos dun ano (fronte ao 4,1% en 2019) e un 32,7% non cambiou de municipio desde o seu nacemento. A mobilidade xeográfica, tanto dos ocupados como dos parados, é moito maior nos estranxeiros que nos españois.
