O BNG rexeita a instalación da base militar da Brilat en Vilaboa e anuncian boicots

O BNG de Vilaboa rexeita contundentemente a colaboración entre o Concello de Vilaboa e a Brilat, cuxa base está ubicada neste municipio, tras anunciar este venres o goberno local a súa intención de colaborar cos militares e, especialmente, coa súa banda de música.

Recursos dos soldados Brilat en Pontevedra. EUROPA PRESS - Archivo

"O goberno socialista, asegura unha vantaxe que Vilaboa acolla unha base militar do exército no seu territorio, mais para o BNG dita ventaxa non existe e nunca existiu, e o único que ten aportado a existencia dese enclave militar para as nosas veciñas, historicamente, é unha
sucesión de conflictos veciñais e loitas; polos dereitos das veciñas e das Comunidades de
Montes do noso concello a usar as súas propiedades e a ter unha vida fóra das esceas
bélicas e militaristas", apuntan os nacionalistas nun comunicado.

Neste sentido, critica que o concello queira potenciar a cultura apoiando a banda de música da Brilat e lembra que xa existe unha banda de música municipal. "Se a maior aposta cultural do concello de Vilaboa vai ser a de promocionar e difundir a Banda de Música da Brilat, parécenos un insulto. Un insulto a un sector económico que representa unha parte importante do PIB galego, un insulto ás ascociacións culturais que traballan no concello para dar unha oferta cultural rica e digna ás nosas veciñas, e un insulto a Escola de Música de Vilaboa", argumentan.

Así, o BNG de Vilaboa manifesta o seu "total rexeitamento" a calquera vinculación
da institución municipal co Exército español porque desde súa "defensa do antimilitarismo e a paz", non "existe cabida do exército nas vidas das nosas veciñas e veciños". Por iso, advirten que "boicotearán" calquera acto de carácter municipal que se dirixa "ao branqueamento, promoción e divulgación da cultura militar e do militarismo".