Novos sanitarios contaxiados: detectados tres positivos no equipo covid de pneumoloxía do CHOP

Tres profesionais do equipo covid de pneumoloxía do Complexo Hospitalario Universitario de Pontevedra (CHOP) deron positivo en coronavirus.

Segundo informa a área sanitaria de Pontevedra, hai tres casos e polo menos un máis en corentena. Con todo, a unidade de prevención de riscos laborais "está cotexando" os casos á espera de coñecer a cifra final de persoas afectadas.

Do mesmo xeito que en anteriores brotes, actívase o protoco covid na área de Pontevedra, que se coordina cos servizos sanitarios.

Unidade do Hospital Montecelo de Pontevedra. XUNTA - Arquivo