Trinta falecidos por COVID en Galicia en tres días e que fan un total de 1.086 mortes
Das dezasete persoas mortas, dez procedían de residencias.
Por Galicia Confidencial | Santiago de Compostela | 16/11/2020 | Actualizada ás 21:07
A Consellería de Sanidade informa que este luns contaron 17 falecementos correspondentes tamén ao reconto da fin de semana. Dito reconto actualizouse este luns e ao que se suman as 13 persoas falecidas entre o sábado e o domingo logo de comprobar que morreran por COVID.
Das dezasete persoas mortas, dez procedían de residencias. No hospital da Mariña falecía unha muller de 96 anos procedente da residencia de San Cibrao. Dúas mulleres de 96 e 90 anos falecían no HULA de Lugo e unha terceira tamén morría no centro lucense pero vivía na residencia San Salvador de Guntín.
No CHUF de Ferrol rexistrouse un falecido varón de 70 anos. Na residencia Nosa Señora das Virtudes de Pontedeume morría unha muller de 98 anos.
No CHUO de Ourense morría un home de 78 anos. Na residencia Nosa Señora dos Miragres de Barbadás falecía unha muller de 91 anos.
No Chuvi de Vigo rexistráronse tres mortes, dous homes de 91 e 86 anos respectivamente e unha muller de 87.
Destacar a incidencia na residencia de Salvaterra de Miño, onde morreron seis persoas. Cinco mulleres de 86, 89, 96, 85 e 87 anos e un home de 80 anos.
