Gómez-Reino di que quen vote "non" aos PGE deberán explicar a que intereses responden
En relación coa decisión tomada polo Tribunal Superior de Xustiza de Galicia (TSXG) de non aceptar o recurso de Alcoa, insistiu en que "as cubas non poden parar".
Por Europa Press / Redacción | SANTIAGO DE COMPOSTELA | 01/12/2020 | Actualizada ás 19:42
O deputado de Unidas Podemos e portavoz de Galicia en Común no Congreso, Antón Gómez-Reino, reivindicou como "históricos" os Orzamentos Xerais do Estado (PGE), "boas para o conxunto do Estado e para os galegos".
"Esta semana aprobaranse uns orzamentos históricos, para un momento histórico e cun apoio histórico", indicou, antes de aludir ao "aumento de máis do 50% do teito de gasto" ou a "os 70.000 millóns de fondos europeos para a recuperación que permitirán enterrar definitivamente a austeridade e dar paso únaa mobilización histórica de recursos públicos".
"Os que voten non este xoves" --advertiu-- "deberán explicarlle á cidadanía a que intereses responden e por que lle din que non á baixada das peaxes na AP9, a rexenerar a Ría do Burgo, a subir as pensións a case 800.000 galegos, a equiparar os permisos de paternidade e maternidade para 11.000 galegos e, en definitiva, a ir sentando as bases dun novo modelo produtivo que iremos construíndo entre todas nos próximos anos".
MOBILIZACIÓN EN VERÍN E ALCOA
Noutra orde de asuntos, Gómez-Reino tamén fixo referencia á "nova lección de civismo" dada por Verín tras a concentración que na pasada xornada arroupou ao xinecólogo Javier Castrillo, a quen a Xunta abriu un expediente.
O deputado incidiu en que Castrillo "sofre en primeira persoa a política do Goberno popular da Xunta de Feijóo" e lembrou que "grazas a profesionais como o doutor Castrillo --unha das caras máis visibles na defensa do paritorio comarcal-- que a Xunta quere castigar, naceron xa 100 nenos e nenas en Verín".
En relación coa decisión tomada polo Tribunal Superior de Xustiza de Galicia (TSXG) de non aceptar o recurso de Alcoa, insistiu en que "as cubas non poden parar".
PARALIZACIÓN DOS DESAFIUZAMENTOS
A preguntas dos medios, o portavoz de Galicia en Común tamén fixo referencia á emenda que Unidas Podemos, Bildu e ERC retiraron este martes en relación á paralización dos desafiuzamentos.
"A semana pasada dixen que o que importaba non era o como senón o que e hoxe retiramos esta emenda porque o Goberno está a traballar nun Real Decreto que vai na mesma liña que a emenda presentada e que ten como obxectivo evitar os desafiuzamentos sen alternativa habitacional e prohibir os cortes de subministracións", incidiu.
