Os traballadores do comercio tamén van á folga

O día 1 de xullo, coincidindo co comezo das rebaixas do verán, os traballadores do comercio da provincia da Coruña van ir á folga. Unha nova protesta que ten que ver coa baixada de soldo dun 10%; a supresión dunha paga extraordinaria; a desaparición de todas as categorías e mobilidade absoluta do persoal; a diminución da porcentaxe obrigatoria de persoal fixo ou a posibilidade de desprazamento obrigatorio até 50 quilómetros ou a retirada do complemento por IT.

Por iso. Algúns colectivos tamén se solidarizan con estes traballadores. "A patronal ten claro que na etapa na que estamos actualmente hai que atacar e golpear duro ao colectivo traballador e ás súas condicións laborais", denuncia a CIG-Administración que píde aos funcionarios que ese día non acudan aos comercios en solidariedade cos seus traballadores.  

Lembran que empresarios como Adolfo Domínguez ou o dono de Mango, Isak Andic, criticaron ao ente funcionarial. “España se va al desastre porque los socialistas defienden los priviliegios de los funcionarios”, lembran que dixo Adolfo Domínguez ao propoñer o despido libre e ao criticar que un traballador se collese unha baixa. Pola súa banda, Isak Andic, pediu públicamente que se botasen á rúa aos funcionarios.