Toda Galicia exposta a altos niveis de gas radón

O territorio galego é o máis exposto no Estado a este gas radiactivo, segundo se observa no primeiro mapa que utiliza métodos estatísticos para delimitar as zonas máis expostas ao radon, presentado por científicos da Universidade Nacional de Educación a Distancia (UNED) e o Consello de Seguridade Nuclear (CSN).

Por Galicia Confidencial | Santiago de Compostela | 17/07/2013 | Actualizada ás 08:00

Case a totalidade do territorio galego está exposto ao radon. Así se observa no primeiro mapa que delimita as zonas do Estado máis expostas a este gas radiactivo, que é a segunda causa de cancro de pulmón despois do tabaquismo. De feito, este gas é responsable do 25% das mortes por este cancro en Galicia, cuxo territorio está considerado área de alto risco.

O mapa foi elaborado por científicos da Universidade Nacional de Educación a Distancia (UNED) e o Consello de Seguridade Nuclear (CSN). Trátase da primeira carta que utiliza métodos estatísticos para delimitar as zonas da Península con maior risco de exposición a radón, onde hai unha porcentaxe significativa dos edificios con niveis superiores a 300 Bq/m3 (becquerelios por metro cúbico de aire).

Os autores explican nun artigo publicado en 'Journal of Radiological Protection' que se trata do "primeiro mapa no que se identifican a nivel peninsular as áreas con risco de radón", e nel se observa como Galicia é a autonomía máis exposta.

En xeral, a parte occidental do Estado é a máis exposta ao radon, sendo especialmente significativa a exposición na zona noroccidental: practicamente toda Galicia, o oeste de Asturias e a parte máis occidental de Castela e León. Tamén se observan altos niveis en Estremadura, zonas do norte de Andalucía, serra de Madrid e puntos de Cataluña e Pirineos tamén son áreas con niveis superiores deste gas.

Segundo os científicos, "case todas estas zonas teñen en común que os seus chans desenvolvéronse a partir de formacións do dominio Hercínico, constituído, principalmente, por rocas precámbricas e paleozoicas".

O gas radon está orixinado pola desintegración do radio e do uranio, presentes nos chans. Por iso, os expertos sinalan que as concentracións máis elevadas do gas danse nos sotos e nas plantas baixas.

6 Anakiro

O gas radônio, nas concentrações naturais que emanam da terra, logo se dissipa, sendo pouco problemático. O grave problema é quando a minaria a céu aberto provoca emisões brutais, porque então o cancro é uma autêntica pandêmia. Concelhos como o Porrinho, As Pontes, ou Triacastela têm um número de casos de cancro muito acima da média. Um estudo da Universidade de Cantábria, que leva anos estudando as emisões da redônio na Galiza e os seus impactos na saúde, alarmava desse gravíssimo risco e relacionava a minaria a céu aberto com o número de casos de cancro. Evidentemente a publicação desse estudo foi vetada. PS: Na minha casa colaboramos com essa universidade tendo medidores de radônio durante anos.

5 MEULAR

Outros que só lle dan importancia ás cousas cando ven alguén de fóra a contalas.Entre nós contamos co LAR-USC (Laboratorio de Análises de Radiacións)que xa leva anos traballando neste grave problema para a saúde. http://fpsalmon.usc.es/lar/gal/publ...

1 Teugirijolo

Ui, si! Ese que se dedica a cobrar "ben barato" por poñerche un aparatiño na casa e dicirche: "Tes unha concentración de radón moi alta. Isto soluciónase ventilando ben a casa...".

2 eusi

É verdade Meular, eu xa coñecía alguns dos vosos estudos. Deixando aos "mentes madrileñas" aparte, este problema é demasiado serio e non se lle está a dar a importancia real que deberia de ter, nin polos afectados nin pola Administración competente (incompetente) que é a Xunta.

3 Teugirijolo

Unha importancia abismal! Como é unha cousa nova, que só se vén producindo duns anos para aquí... Veña, a traballar un pouco e ventilar ben a casa, e a cabeza... (E, se iso non chega, a vivir a outro lado)

4 gonzalezvillamarin

Agora xa sabemos o motivo de que a nosa terra siga sendo colonizada por o reino borbón: necesita a casa real dos españoles este gas porque non son da terra, sinon do ceo...intocables. Vede senon o rei borbón que teñen os españois de xefe de estado: é inimputable. Xa con iso o digo todo. Necesitan o gas radón pra vivir. E por iso en Galicia temos semellante colonialismo e quérennos deportar a todos os galegos, para salvarnos do radón e que o imperio español o leve todo para Madrid. Porca miseria!!!

3 DigoEu

Porca miseria. E porco electorado galego.

2 ssss

Xa temos o culpable de tódolos nosos males, non é como se podería pensar ,o PP, nin o PSOE, nin tan xiquera o BNG e moito menos a UPG, o cerne de todo esta no RADON, que débenos afectar e moito nas nosas neuronas cognitivas, xa temos novo lema; ¡¡¡NON AO RADON ¡¡¡, so fai falla buscar a mediciña pero iso xa e outro cantar