Guía para non perderse no Día Nacional de Galicia

Axenda dos actos anunciados por AGE, BNG, Galiza Nova, Anova, AMI, Ceivar, Nós-UP, Compromiso por Galicia, PACD, Causa Galiza, PSdeG e PPdeG por mor da festa do 25 de Xullo, o Día da Patria Galega.

Por Galicia Confidencial | Santiago | 23/07/2013 | Actualizada ás 12:39

A tradicional división na esquerda do país tradúcese nunha multitude de actos por mor do Día Nacional de Galicia. Esta é unha pequena guía, non exhaustiva, dos eventos políticos que acollerán as rúas de Compostela durante a próxima festa nacional de Galicia:

24 de xullo

Alternativa Galega de Esquerdas (coalición de EU, Anova, Ecosocialistas e Equo) fará lectura do seu manifesto polo "Día da Matria Galega" diante da que foi a sede da editorial e imprenta Nós, na rúa do Vilar número 15 de Santiago de Compostela este mércores ás 11:30 horas.

Como todos os anos, no serán as mocidades do Bloque organizan unha acto de homenaxe a Castelao e Rosalía no Panteón dos Galegos Ilustres no mosteiro de Santo Domingos de Bonaval. Nesta edición tocarán o gaiteiro Xosé Manuel Sánchez Rei e os cantautores Tino Baz e Alba Rodriguez.

A organización de mozos da fronte tamén é corresponsábel do Festigal, que o 24 comeza a andar coas tradicionais actuacións no Campus Universitario Sur. A partir das 10:30 da noite tocan A Quenlla, Sés, Nao e Festicultores Troupe. O 25 os concertos serán pola tardiña e non pola noite, como noutras ocasións

Galiza Nova é unha das organizacións de mozos que convocan unha manifestación a prol da soberanía. Sairá ás 20 horas da Alameda e está coorganizada tamén por Adiante, Agir, AMI, Briga, Comités,Isca! e Liga Estudantil Galega. Trátase do acto máis unitario dos próximos días, en palabras dos organizadores "un paso moi importante na unidade de acción de quen desde a autoorganización xuvenil e estudantil defenden un proxecto de liberación nacional e transformación social".

O grupo municipal soberanista Candidatura do Povo organiza o "II Festival do Pobo". Será na dársena de autobuses de La Salle, ao carón do museo CGAC. Actuarán, entre outros, Os Daría, Vicky Polar e Labregos no Tempo dos Sputniks. A cita é as 21 horas.

Haberá tamén música no Campus Sur da USC grazas a BRIGA. Estes mozos soberanistas programan as actuacións de Os Tres Trebóns, Rebeliom do Inframundo e Fracasados de Antemano a partir das 23 horas.

A Assembleia da Mocidade Independentistas (AMI) anuncia cambios nos horarios dos seus actos do 24 de xullo. As 14 horas haberá Xantar na Praza das Ánimas, as 15 horas unha foliada popular e as 20 horas a tradicional "Rondalha da Mocidade Independetista" que sairá da Alameda.

AMI é un dos colectivos que axuda a difundir os actos a prol dos reclusos soberanista que artella a plataforma Ceivar. A súa "VI Cadeia Humana pola Liberdade d@s Pres@s Independentistas" está convocada para as 18:00 horas na Praza de Galicia.

25 de xullo

Compromiso por Galicia desenvolverá as súas actividades no parque de San Domingos de Bonaval de Santiago. Terá como elemento central, ás 13 horas, un acto político que contará coa intervención do Secretario Xeral da organización galeguista, Xoán Bascuas. Entre o programa de actividades destaca tamén unha ofrenda floral no Panteón de Galegos Ilustres ás 12 horas e xa na sesión de tarde o concerto de Os Perucos e Narf, ademais do monólogo de Evaristo Calvo. Igualmente desenvolverase un xantar de confraternidade e no que haberá habilitada unha zona infantil.

"Que se lixe a troika. Non debemos, non pagamos!" A Plataforma para a Auditoría Cidadá da Débeda (PACD) acudirá baixo este lema á manifestación do 25 de xullo as 12 na Alameda.

Tamén ao mediodía da Alameda partirá a manifestación do Bloque. Rematará na Quintana cos discursos de Xavier Vence, voceiro nacional, e o responsábel de Galiza Nova, entre outros. O lema é "Galiza pola soberanía". Despois os simpatizantes da fronte teñen unha cita co tradicional xantar na zona da Alameda e do Campus Sur.

A poucos metros estarán os militantes de Anova-Irmandade Nacionalista. Será na praza de Mazarelos, dende as 12:30 h. Haberá música e en torno ás 13:00 h terán lugar as intervencións políticas, pechadas polo discurso do portavoz nacional, Xosé Manuel Beiras. Ás 14:30 h aproximadamente está previsto un xantar popular en Belvís, cunha polbeira e unha carpa para xantar. A organización explica que para xantar na carpa non é preciso anotarse previamente, que o menú costa 12 € e inclúe polbo, patacas, pan, viño e refrescos e que tamén se pode xantar no parque de xeito autoxestionado. Pola tarde, ás 17 horas o Aberto de Billarda do Día da Patria, da Liga Nacional de Billarda, e posto de venda de crachas e camisolas da mocidade de Anova.

A " organizaçom popular e assemblear galega ao serviço da luita pola independência nacional e o Socialismo" Causa Galiza convoca unha manifestación baixo o lema "Com passo firme face a independência. Liberdade pres@s independentistas. Stop repressom" na que piden "os a rutura com o regime e o Estado espanhóis, a urgência histórica de avançar na via independentista e a importáncia das unidades de açom enquadradas em chave de soberania nacional e rutura democrática". A hora e lugar de partida da marcha son as mesmas que na convocatoria do Bloque. Está previsto que remate en Mazarelos, onde as 12:30 Anova anuncia o seu acto político.

O partido independentista NÓS-UP informa que o "Governo municipal de Compostela denega jantar do Dia da Pátria nos jardins de Sam Roque" pero que "NÓS-UP realizará o jantar de confraternizaçom após finalizar os atos políticos do Dia da Pátria, num espaço alternativo do queal informaremos amanhá". A súa manifestación está anunciada para as 12:30 dende a Alameda de Compostela. O xantar, en lugar por determinar, as 15 horas.

Actos de formacións non nacionalistas

Xa lonxe de Compostela, Esquerda Unida organiza o acto "Un pobo en rebeldía polos dereitos nacionais" as 12 horas na entrada do antigo cárcere provincial da Coruña. Os comunistas defenden, lembrando as palabras do loitador antifascista Santiago Álvares, o dereito do pobo galego "a dispor libremente dos destinos nacionais; mesmo o de arredarse do estado que viña formando parte: manterse independente ou xunguirse a outro estado".

Nin PSOE nin PP confirmaron aínda os horarios dos seus actos polo 25 de Xullo. Tradicionalmente os socialistas fan unha homenaxe a Castelao en Rianxo e as mocidades dos conservadores unha ofrenda floral a Rosalía en Bonaval. En canto se confirmen os horarios, incorporanse a esta axenda.

19 Palíndromo

Cousas que se perderon ou quedaron polo camiño. Que foi da celebración do Día da Patria que organizaba o Concello de Pontevedra gobernado polo BNG de Fernández Lores, o alcalde anti-sistema (o que ten a práctica totalidade dos servizos privatizados e "ben" que privatizados) e ao que convidaban a falar a "grandes figuras da nación" (todas pro-UPG) para reunir até vinte liberados sindicais, catro corre-vai-e-dilles, cinco clientes de puntos de luz das parroquias e mais a eterna plana maior (se non estaban nos seus chalés) da UPG pontevedresa? Pois a resposta podería ser que o Lores (tan antisistema) estaría ocupado nun enésimo acto do Pontevedra CF (ese que clube histórico que anda pola terceira división) e no que xoga, poucas veces, un pariente do tan radical e marxista leninista alcalde.

1 astridgilberta

Nacionalismo para non nacionalistas, iso é. Consolidou a ence ese grupo de governo, qué vos parece?. puxéronlle un tren mentres representaban o papel anti-ence convincentemente; ate fixeron o sacrificio de abandoar o comité de empresa. Así é a propaganda de atontamento planificada. Que lle dean premios e tal e tal e tal. A historia non absolverá a ninguén. Oportunismo.

2 Breogancete

E que os cartiños son os cartiños e os anos non pasan en balde...

18 Stuka

Ides ser catro gatas coma sempre, eso si, de festiña en festiña pásase de p*to pai no día da matria jaja. Como están as cabeciñas jaja. Esquerdismo hispano a tope!

17 Eloi dos Freiría

O mais interesante sem dubida é a manifestaçóm unitaria pola independencia convocada as 20h na alameda de compos. UMHA MARAVILHA E EXEMPLO DE AÇÓM UNITARIA.

1 Djalma

Interesante, interesante o que se di interesante non hai moito jeje.... máis do mesmo, pero peor aínda.

16 Coiro

Aquí sempre igual, a ver quen é máis patriota, agora matriota, seica, pero a eiva estrutural do nacionalismo galego non a soluciona ninguén. Mentres non asuman discursos máis pegados á Galicia real, a nosa historia, non van deixar de ser unha minoría iluminada que non conecta cun pobo ao que despreza, ninguneando a nosa épica e esquecendo os nosos mitos; cando lle muda o nome ao país, cando lle chanta unha estrela vermella á bandeira, cando fala de castrexos (esa raza autótona de orixe e destino descoñecido) en vez de Celtas. Tanto anticapitalismo, anticlericalismo, anti, anti...coma se Galicia só existise dende Castelao e fose comunista e non crente. Algúns queren construir o país alén da nosa historia, do máis grande que temos, do que mellor nos define. E así nos vai. Mágoa!

1 Costadamorte

Na vez de "bos e xenerosos"..., semella que os nacionalistas tendemos a "ruíns e egoistas"... Pondal, moi acertado non estaba ise día!...

2 Cóntameoutroconto

Aquí sempre igual, os picoletos falando de que " así nos vai" . Así nos vai pola vosa intervención preto de 500 anos, e os desastres que fixéchedes en calquera sitio que tocaron as vosas fedorentas máns. Non hai un só exempro de país tocado por vós que saira adiante, o que hai e o exempro do desbaraxuste dos vosos reis, como este, que se rí cando nos dá o pésame. E pra finalizar, por agora, vos si que esquecedes os nosos mitos e a nosa épica, e os nosos intereses...En vez de falar de estreliñas fala do paro, fala do desastre que fixéchedes na industria galega, ou do voso nulo apoio a unha banca nacional e nacionalista, fala do rastreiro asoballamento de mentir decindo que había contratos de traballo ca Pemex e atopar que o que hai e a "posibilidade" de gañar un concurso. Falade diso, tricornetas.

15 pjrngw

Ave María purísima. Queridos hermanos de este santo foro: El 25 de julio es el día del Apóstol Santiago, patrón de España. Oremos, pues, por que nuestra patria recobre la gloria de antaño y, como en tiempos del Caudillo, vuelva a ser una, grande y libre, sin separatismos, sin más partido que el PP y recordando que desde el Paraíso nos observan, además de Dios Nuestro Señor, nuestro llorado Caudillo y don Manuel Fraga Iribarne. Así pues, el jueves 25 todos a Santiago, por Dios y por España. Recibid mi bendición apostólica.

1 El PPresidente

¡Amén!

2 jugando al tute

En el Paraíso también están Alfredo Landa, Castelao, Jesús Gil y Elvis, están jugando los 4 al tute, LAS 20 EN COPAS ALFREDO!!!

3 Amencio

Amén. Pero recuerde padrecito, que la patria de antaño que queremos recuperar es la de los tercios, esos héroes legendarios que tanto ayudaron al progreso del mundo . Recuperemos pues esa patria para "convencer" con misas y balas a los separatistas gibraltareños de que "en España estamos bien".

4 NorbertoGDF

Perderse por los campos en el xantar de la fiesta del Bloque para mi fué muy acertado, llegamos después de realizar el Camino de Santiago, mi amigo Carlos y yo, y lo pasamos muy bien. No dijeron que nuestro amigo Pepe-Luis, el candidato del BNG era un pequeño-burgués que estaba poniéndose las botas en la fiesta del BNG, buen alvariño, y buenas tías. Seguro que esos del BNG...