A operación Centinela Gallego conclúe con máis dunha trintena de lumes avistados por militares
O despregamento realizouse por 33 municipios e sete distritos forestais.
Por E.P. | SANTIAGO DE COMPOSTELA | 01/10/2021 | Actualizada ás 18:25
A operación Centinela Gallego concluíu con máis dunha trintena de lumes avistados por militares, coa achega de información relevante en relación a persoas sospeitosas e diverso material incendiario.
A operación iniciouse o 15 de agosto e finalizou este venres co repregamento de todo o persoal sobre as bases de orixe das unidades participantes. O despregamento realizouse por 33 municipios e sete distritos forestais.
En Centinela Gallego participou persoal e medios da Brigada Galicia VII (Brilat), procedente das súas tres bases en Pontevedra, Asturias e Valladolid, e do Terzo Norte de Infantaría de Mariña, pertencente á Armada e con sede en Ferrol. En total, no despregamento participaron 25 patrullas da Brilat e cinco de Ternor.
Neste mes e medio de operación despregáronse ao redor de 100 militares ao día, cunha contribución final de 320 militares. Realizáronse ao redor de 2.800 patrullas de presenza e vixilancia e percorréronse ao redor de 250.000 quilómetros.
Así mesmo, realizáronse ao redor de 70 voos co sistema de avión non tripulado, o que deixa un total de máis de 2.600 minutos de observación.
