Quen gañou o Debate de Autonomía?

Cada vez que remata un dos grandes debates políticos emerxe das súas cinsas a pregunta obrigada do día despois: quen gañou? No tocante ao do Estado da Autonomía --que continuará este xoves e venres pero con ritmos distintos--, a cuestión é máis ben difusa. Un breve percorrido polos xornais dixitais de Galicia dá a entender que foi o presidente da Xunta o que conseguiu levar para a casa a simbólica victoria do Pazo do Hórreo. Pero as RRSS pensan distinto.

Vista xeral do Parlamento Galego, durante o minuto de silencio en recordo ao falecido conselleiro de Facenda, momentos previos ao comezo do Debate sobre o Estado da Autonomía, no Pazo do Hórreo, a 13 de outubro de 2021, en Santiago de Compo. Álvaro Ballesteros - Europa Press

A separación establécese entre as enquisas desenvoltas pola prensa tradicional e as intervencións dos máis usuarios en redes sociais. No caso das enquisas --realizadas por poucos xornais, en comparación, por exemplo, coa cita previa ás eleccións do 12X-- Feijóo sae como gañador claro, seguido por Pontón e, xa detrás do pelotón, Gonzalo Caballero. 

Non acontece o mesmo nas redes sociais. Se a maioría silenciosa se decanta pola opción do presidente da Xunta de Galicia, os internautas de Twitter que decidiron manifestar a súa voz fixérono, fundamentalmente, para dirixir críticas á actitude do rexedor popular en distintos momentos da mañá. Destacou, particularmente, o tirapuxa que este mantivo con Pontón a respecto da denominación Galicia/Galiza.

No ano 2021 Feijóo levando ao debate que se diga Galiza.

Imos ben!

— O Salcedo 🏳️‍🌈 (@salcedista) October 13, 2021

Feijoo leva 5’ cun “interesantísimo” debate consigo mesmo en bucle sobre se se pode dicir “Galiza” ou non.

— Rafa Cuiña (@Rafiklalin) October 13, 2021

Nas redes galegas tamén circularon mensaxes de partido en apoio a cada un dos seus poñentes no Debate de Autonomía, pero no que respecta ás intervencións individuais, Núñez Feijóo foi o máis sinalado, sempre nun ton negativo. 

No Debate do Estado da Nación, Feijóo xa se referiu a Galicia en varias ocasións como "país". Facía bastante tempo que se limitaba aos conceptos "rexión" e "autonomía".

— Un galego máis (@UnGalegoMais_) October 13, 2021

se algo queda claro vendo o debate do estado da autonomía é que Feijoo necesita imperiosamente sair máis da súa casa https://t.co/hXDSfnvpgp

— O Agra ☭ `★ˎ (@AgraGz) October 13, 2021