Un condutor dáse á fuga despois de provocar un accidente en Barreiros que deixa ferida unha menor
Saltouse un sinal de stop no cruzamento do polígono de Barreiros.
Por E.P. | Santiago de Compostela | 01/12/2021 | Actualizada ás 20:17
Un condutor deuse á fuga despois de provocar un accidente cando circulaba pola N-642, no concello coruñés de Barreiros, no cal resultou ferida unha menor.
Segundo informa o 112 Galicia, o condutor continuou a marcha despois de saltarse un sinal de stop no cruzamento do polígono de Barreiros.
Sobre as 16,30 horas, un afectado polo sinistro daba alerta do sucedido. Explicaba que o seu vehículo, ao frear de golpe, fora golpeado por atrás por outro coche, por mor dun condutor que se saltou un stop e que continuou a marcha.
Esta testemuña explicaba que o coche que lle golpeou tiña importantes danos e que unha menor que viaxaba nel necesitaba asistencia sanitaria.
Foron avisados, entre outros, 061, Garda Civil de Tráfico, Bombeiros de Barreiros, Protección Civil operarios do servizo de mantemento da vía.
