Auxilian a un bebé de 8 meses con síntomas de asfixia pola picada dun abellón na lingua
A Policía Nacional escoultou á nai até o hospital de Ourense e alí foi atendido.
Por Europa Press / Redacción | SANTIAGO DE COMPOSTELA | 10/02/2022 | Actualizada ás 12:42
Dúas patrullas da Policía Nacional de Ourense auxiliaron a unha familia cun bebé que presentaba síntomas de asfixia debido a que lle picou un abellón na lingua. Segundo informou a Policía, os feitos ocorreron ás 19,00 horas do mércores, cando o condutor dun vehículo que circulaba polo barrio do 21 avisoulles de que levaba ao seu fillo de 8 meses e que lle custaba respirar xa que lle picou un abellón na lingua.
Os axentes observaron ao bebé coa lingua inchada e con dificultade respiratoria nos brazos da nai, que se atopaba moi nerviosa. Ante iso, decidiron escoltar ao vehículo cos dispositivos prioritarios luminosos e acústicos ata Urxencias hospitalarias. Ademais, puxéronse en contacto a través da Sala 091 co CHUO para que recibisen ao menor xa que a súa vida corría perigo.
Unha vez no lugar, o bebé foi atendido por persoal de urxencias pediátricas, onde se recuperou favorablemente.
