Un descubrimento único en Lalín

Tal e como figura neste video, as excavacións de urxencia das obras do AVE en Lalín no castro pequeno de Bendaña sacaron á luz o que pode ser a primeira relación da época castrexa co mundo funerario; un asunto que, ata o de agora, era inadcesible para os arqueólogos.

Neste video pódense ver unhas gabias, de función descoñecida, aínda que na reportaxe se di que son enterramentos da época de ferro. Os enterramentos estarían noutra parte da zona excavada, tal e como figura na primeira foto que aparecen no weblog de Manuel Gago, autor deste video.

Tanto a función das gabias, como a distribución das áreas funerarias e o contido atopado nelas, é todo un misterio que os arqueólogos terán que dilucidar. En todo caso, achádegos coma éstes abren novas vías de investigación para a historiografía galega que poden ser completados coas investigacións do Castro do Neixón e con outros que se están a facer de urxencia, tamén por mor doutras infraestructuras viarias.

Dende Galicia Confidencial instamos ás autoridades a que non fagan o mesmo que aconteceu co círculo lítico da Moureira para que este novo achado, único en Galicia e na península ibérica, sexa borrado do mapa por mor das obras do AVE.