Ferido con queimaduras un operario do porto exterior de Ferrol
Afectáronelle a parte da cara.
Por E.P. | SANTIAGO DE COMPOSTELA | 24/04/2022 | Actualizada ás 11:08
Un operario resultou ferido con diversas queimaduras durante a noite deste sábado mentres realizaba unha purga de residuos no porto exterior de Ferrol. Tal e como informa o 112, o traballador procedía a realizar unha purga cando os residuos que extraía provocáronlle diversas queimaduras no rostro.
Ao redor das 23,00 horas do sábado persoal da mesma empresa á que pertence o traballador chamaba ao 112 para solicitar asistencia sanitaria. Desde o servizo pasouse aviso ao Servizo de Urxencias Sanitarias de Galicia-061. Do mesmo xeito, informouse os axentes da Policía Nacional e Local, aos efectivos de Protección Civil de Ferrol, así como, ao persoal da Autoridade Portuaria. Segundo a información facilitada ao 112 Galicia polo alertante, o ferido foi trasladado polos profesionais sanitarios ao centro hospitalario de referencia.
