Por Galicia Confidencial | Santiago de Compostela | 08/05/2022 | Actualizada ás 16:12
Os Premios Follas Novas do Libro Galego galardoaron este 2022 os escritores Diego Ameixeiras, na categoría de narrativa pola súa obra 'O cervo e a sombra'; a Manuel Rivas, en poesía por 'O que fica fóra'; a Yolanda Castaño, pola súa iniciativa cultural 'Poetas Di(n)verso' e a David Pintor, polo seu libro ilustrado 'A Coruña'.
Ademais, nunha gala celebrada este sábado no Teatro Principal de Santiago, a Asociación de Escritoras e Escritores en Lingua Galega entregou premios honoríficos ao escritor Xesús Alonso Montero, a libreira Mercedes Corbillón, e a escritora portuguesa Ana Luísa Amaral.
O presidente das escritoras e escritores galegos, Césareo Sánchez, recoñeceu que o sistema literario galego ten "unha saúde fráxil" e sinalou que "necesita que se poña en marcha o plan lector e que as administracións teñan empatía co sector". Unha petición que tamén lle fixo "a cada persoa lectora do país".
Estes premios están organizados pola Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia co apoio da Deputación da Coruña, o Concello de Santiago, Cedro (Centro Español de Dereitos Reprográficos) e Xunta de Galicia
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.