Outro motorista ferido nunha colisión en Ourense
Por Europa Press / Redacción | OURENSE | 09/05/2022 | Actualizada ás 10:01
Un motorista duns 41 anos de idade resultou ferido nun accidente de tráfico rexistrado na noite deste pasado domingo no termo municipal de Ourense. Segundo os datos facilitados polo 112 Galicia a Europa Press, este sinistro tivo lugar sobre as 21,45 horas do domingo pasado á altura do quilómetro 237 da estrada N-525 ao seu paso por Ourense.
O sinistro consistiu na colisión dunha motocicleta e un turismo e saldouse co motorista trasladado a un centro hospitalario, indicaron as mesmas fontes. Por parte do 112 Galicia avisouse á Policía Local, Garda Civil e o 061, que enviou ao lugar dos sinistros dúas ambulancias, unha de soporte vital básico e outra de soporte vital avanzado.
Fontes sanitarias concretaron que a ambulancia de soporte vital avanzado trasladou ao home ferido, R.G.I., de 41 anos de idade, ao Complexo Hospitalario Universitario de Ourense.
