Rescatan un octoxenario que caeu nun pozo en Pantón

Os Bombeiros de Monforte de Lemos rescataron este luns a un octoxenario que se caeu nun pozo no lugar de Guítara, no concello lucense de Pantón.

Segundo trasladou o 112 Galicia, sobre as 13,00 horas o persoal do Servizo de Urxencias Sanitarias de Galicia-061 solicitaba axuda ao 112 para socorrer un home que caera nun pozo con auga. Tras ter coñecemento destes feitos, os xestores do 112 deron aviso aos Bombeiros de Monforte e á Garda Civil.

Finalmente, tras ser rescatado polos Bombeiros de Monforte, o home foi trasladado polos servizos sanitarios de urxencia ao hospital de referencia.