Liberada a ocupante dun turismo que se precipitou por un desnivel en Maside

Efectivos do corpo de bombeiros do Carballiño liberaron a única ocupante dun turismo que se precipitou por un desnivel cando circulaba pola estrada que une Maside e O Carballiño.

O accidente produciuse ás 14,30 horas deste luns no punto quilométrico 24 da estrada N-541, segundo trasladou o CIAE 112 Galicia.

Desprazados ao lugar despois de recibir a comunicación de mans da central de emerxencias, os bombeiros do Carballiño excarceraron á muller que viaxaba no vehículo, quen foi trasladada ao CHUO nunha ambulancia de Urxencias Sanitarias 061.

Ambulancia do 061 | Fonte: 061-GALICIA - Arquivo.