A Xunta apunta aos pirómanos nos últimos lumes: "tentan buscar vítimas mortais"

O director xeral de Defensa do Monte, Manuel Rodríguez, sinalou que, tras unha vaga de lumes hai dúas semanas provocada por raios, na última semana volveron os incendios dunha "tipoloxía máis tradicional", xa que apunta á súa "intencionalidade".

Así, nunha entrevista na TVG recollida por EP,  refírese a un lume que tivo lugar o pasado venres no municipio de Maside (Ourense) cunha "clara intencionalidade".

Condutor de motobomba carga o camión de auga desde o río Balboa, en Pradoalbar, a 22 de xullo de 2022, no incendio forestal nas inmediacións de Vilariño de Conso | Fonte: Rosa Veiga - Europa Press.

De feito, indica que non se pode falar dun incendio "estritamente forestal" porque se produciu "a 100 metros das casas", no que identifica con "tentar buscar algunha vítima mortal".