Despréndese unha das esferas do reloxo da fachada principal do Concello das Somozas
Por Europa Press / Redacción | Santiago de Compostela | 14/08/2022 | Actualizada ás 18:00
A esfera do reloxo situado na fachada principal do Concello das Somozas (A Coruña) caeu sobre as 13,00 horas deste domingo, 14 de agosto, tras romper o cristal que a suxeitaba.
O incidente non causou ningún ferido, xa que ao ser esta unha xornada festiva na que as instalacións municipais permanecen pechadas, non se atopaba a esa hora neste lugar ningún traballador municipal ou cidadán.
O reloxo, que ten esfera á fachada principal, a que se desprendeu, e á fachada traseira, foi sometido recentemente a tarefas de mantemento.
O edificio do Concello das Somozas foi inaugurado no ano 2002, estado á fronte da Alcaldía o popular Manuel Candocia, que foi ademais quen xestionou a construción do mesmo, para abandonar un moito menor situado nas inmediacións.
