Arde un dos coches dun tren que circulaba Santiago-Ourense na estación de Lalín
Os 52 viaxeiros foron trasladados en autobús ata o seu destino final
Por E.P. | SANTIAGO DE COMPOSTELA | 06/11/2022 | Actualizada ás 20:36
Un incendio calcinou este domingo uno dos coches dun tren rexional da liña Ourense-Santiago e, aínda que sen feridos, obrigou a evacuar aos pasaxeiros na estación de Botos (Lalín).
Segundo informou Renfe, o incendio produciuse ao redor das 17,00 horas. O maquinista detectou un fallo de presión hidráulica, polo que decidiu interromper a viaxe. O fallo obrigou a suspender a viaxe ao acabar incendiándose nun dos coches motores.
Os 52 viaxeiros foron trasladados en autobús ata o seu destino final, incluídos os pasaxeiros que se dispuñan a viaxar a Ourense desde a estación de Lalín. Doutra banda, o tren que este domingo saíu ás 11,00 horas de Vigo con dirección A Coruña sufriu un atraso de máis de media hora por negarse un dos pasaxeiros a porse a máscara.
O tren permaneceu parado máis de media hora na estación de Pontevedra e, ante a constante negativa do pasaxeiro a porse a máscara, decidiuse chamar á Policía para que interviñese. Finalmente, e tras a intervención policial, o pasaxeiro accedeu a levar o protector e o tren renovou a marcha.
