Sanidad propón atrasar a xubiliación dos médicos de AP para solucionar o déficit actual

A ministra de Sanidad, Carolina Darias, e o ministro de Inclusión, Seguridade Social e Migracións, José Luís Escrivá, propuxeron atrasar ou "facilitar a xubilación activa" dos médicos e pediatras de Atención Primaria (AP) en España, de forma temporal e excepcional, para solucionar o déficit destes especialistas no Sistema Nacional de Saúde. 

Así o avanzaron en rolda de prensa este xoves, celebrada tras a reunión da Comisión de Recursos Humanos do Consello Interterritorial de Saúde (CISNS), seo en que propuxeron ditas medidas. "Foi moi ben acollida por todos os membros do CISNS, e súmase ás medidas que xa fomos doptando para seguir dando resposta e fomentar a incorporación de médicos ao SNS", comentou Darias.

Trátase dun programa piloto "temporal e excepcional" cunha duración de tres anos "só acoutada a médicos de atención primaria". Con ela, permítese o réxime de xubilación activa aos médicos no sector público; mellorar o réxime de compatibilización de pensión, que se eleva do 50 ao 75 por cento, e permítese un réxime de xubilación activa parcial co 50 por cento da xornada.

"Os conselleiros recoñeceron que o incentivo é significativo. A medida está deseñada de tal forma que se dan condicións a priori importantes para que haxa unha adhesión significativa", engadiu Escrivá.

Sala de agarda du Ambulatorio. EUROPA PRESS - Arquivo