Solicitan o cesamento da directora de Enfermaría do CHUO por "falta de compromiso" e "incapacidade de xestión"
Por Europa Press / Redacción | OURENSE | 16/12/2022 | Actualizada ás 18:11
O Sindicato de Enfermaría, Satse, solicitou o cesamento da directora de Enfermaría do Complexo Hospitalario Universitario de Ourense (CHUO) pola "improvisación e falta de compromiso" cos traballadores que "demostra a súa incapacidade de xestión".
Así, denunciaron que "se están dando contratos de cinco días", o que "imposibilita calquera tipo de conciliación da vida familiar durante o período de Nadal".
Segundo sinalou o sindicato nun comunicado, trátase dunha práctica "continuada de contratacións precarias e falta de valoración do persoal". Así, denunciaron que traballan nunhas condicións "extenuantes na maioría das ocasións".
Así mesmo, explicaron que a cobertura de vacacións pedidas no mes de marzo "neste momento seguen sen substituírse", mentres que "hai máis de 200 enfermeiras sen vínculo na lista de contratacións".
Deste xeito, denunciaron que "se trata aos traballadores como simples números". Ademais, indicaron que todos "os recoñecementos impulsados perden o seu valor cando sistemáticamente se ofrecen contratos precarios".
