Refachos de vento a 130 quilómetros por hora en Oia e a máis de 100 km/h en varios puntos da costa galega
O refacho máis alto na tarde deste xoves correspóndese cos 119,5 quilómetros por hora da Pontenova, que se produciron ás 20,10 horas.
Por Europa Press / Redacción | SANTIAGO DE COMPOSTELA | 09/03/2023 | Actualizada ás 20:35
O vento superou os 100 quilómetros por hora en varios puntos da costa galega na xornada deste xoves, marcada pola alerta laranxa. Así, o refacho máximo rexistrouse en Oia, con 130 quilómetros por hora ás 9,10 horas.
Ademais, en estacións de Meteogalicia en puntos inferiores a 900 metros de altura, rexistráronse valores máximos de ventos nas Neves, Viveiro, A Pontenova e Cedeira tamén se rexistraron ventos que superaron o 100 km/h, concretamente, 125, 120, 115,2 e 111,1 quilómetros por hora, respectivamente.
O refacho máis alto na tarde deste xoves correspóndese cos 119,5 quilómetros por hora da Pontenova, que se produciron ás 20,10 horas.
En canto a estacións de máis de 900 metros de altura, segundo figura no boletín de rexistros de Meteogalicia, en Muras rexistráronse 127,7 quilómetros por hora, mentres que 106,3 quilómetros por hora en Carballeda de Valdeorras.
