Absolven ao acusado de agredir sexualmente a unha muller coa que quedou en wallapop

A sección sexta da Audiencia Provincial da Coruña, con sede en Santiago, absolveu a un home acusado de agredir sexualmente a unha muller coa que contactou a través dun anuncio que a denunciante publicara na páxina web de Wallapop, aducindo que a versión da suposta vítima carece "de sustento probatorio".

O tribunal asegura nos feitos probados que, tras manter unha conversación, ambos citáronse en Santiago para manter relacións sexuais, que cre que foron de común acordo. Así mesmo, na resolución, os maxistrados sinalan que é "seriamente improbable" que unha agresión física como a descrita pola denunciante "non deixase, tanto na zona xenital como no resto do seu corpo, unhas corroboracións físicas obxectivables e advertibles na exploración realizada".

"Achámonos ante unha proba sen poder de convicción suficiente -pola actitude omisiva demostrada pola denunciante e, sobre todo, polo seu propio contido obxectivo- como corroboración externa da declaración da vítima", destacan os xuíces na sentenza, contra a que cabe presentar recurso ante o TSXG.

Mozos con teléfonos móbiles accedendo as súas redes sociais en Interne | Fonte: Arquivo