O vento provoca a caída do tellado dun edificio en Ponte Caldelas e causa danos nun coche
Por E.P. | SANTIAGO DE COMPOSTELA | 26/05/2023 | Actualizada ás 10:01
O vento provocou o desprendemento de parte do tellado dun edificio de Ponte Caldelas (Pontevedra) que causou danos en coche estacionado na vía pública.
Segundo informou o CIAE 112 Galicia, o incidente tivo lugar ás 23,00 horas do xoves na estrada PO-234 e saldouse sen persoas feridas.
A zona de Ponte Caldelas rexistrou durante a pasada noite refachos de vento de ata 80 quilómetros por hora. Unha delas levou por diante a cuberta metálica dun edificio, que se desprendeu e caeu sobre a vía pública.
O tráfico estivo interrompido ata que os servizos de emerxencia lograron retirar os ferros. Na zona estiveron a Garda Civil, servizo de mantemento de estradas e os bombeiros do Morrazo.
