Unha serie de rutas pola provincia de Pontevedra buscan conectar aos participantes coa natureza

A Deputación de Pontevedra promove o programa 'Bosques Terapéuticos', cuxas inscricións para xullo comezan o 12 de xuño. Trátase dunha serie de rutas por distintas zonas da provincia que buscan a conexión coa natureza dos participantes e reducir os niveis de tensións.

Así, o sábado 10 de xuño levará a cabo un percorrido pola Ruta da Pedra e da Auga, e o domingo 11 polos arredores da ponte colgante do Lérez. Ambas as rutas comezarán ás 10,00 horas e durarán aproximadamente unha hora. Segundo a Deputación pontevedresa, as actividades están baseadas na terapia de 'shinrin yoku' ou 'baño de bosque', unha técnica orixinaria de Xapón que consiste en mergullarse na natureza para relaxar a mente e reducir o nivel de tensión.

Nesta ocasión, os participantes poderán gozar dunha actividade que combina natureza, exercicio, cultura, historia e saúde, xa que a iniciativa parte dunha premisa fundamental: abrir o cinco sentidos, respirar profundamente e camiñar reflexivamente mentres se conecta coa natureza.

Por outra banda, o Consello da Cultura Galega (CCG) organiza este sábado unha ruta polos espazos investigados polos membros do Seminario de Estudos Galegos na comarca Terra de Melide para reivindicar o seu legado.