Dositeo Rodríguez asegura que a Xunta coñecía o pagamento da indemnización

Dositeo Rodríguez asegura nun comunicado remitido aos medios que a Fundación Cela, da que era membro do padroado, non outorgou trato de favor a Tomás Cabana, pagándolle unha indemnización en diferido por despedimento con cartos públicos para outras actividades e sen coñecemento das adminnistracións que tamén eran membros do Padroado, como argumentou a Xustiza para imputalo por malversación. 

Rodríguez explica que Cabana levou unha indemnización de 32 días por ano traballado, os mesmos días que levaron varios traballadores cando foron botados en 2009. O político conservador lembra que a Fundación estaba nunha situación económica insostíbel, polo que os despedimentos eran plenamente xustificado. 

O ex-voceiro do PP en Santiago asegura que estas administracións foron concedidas co beneplácito da Xunta e que hai probas documentais que así o xustifican.

O Goberno Galego aínda non se pronunciou sobre a situación. Iso si, dende o PPdeG xa saíron en defensa do veterano político. Pedro Puy, voceiro parlamentar, lembra que arestora non hai datos obxectivos que permitan cesar a Rodríguez. "Non hai motivo de incomptaibilidade pero si motivos para a observación puntual deste asunto que acabamos de coñecer", declarou Puy esta mañá aos medios.

A Lei establece que nin Parlamento nin Goberno poden botar aos conselleiros de Contas, pero tamén que deben cesar cando son condenados cunha sentencia firme en relación ao seu cargo. A Fundación, dado que recibe fondos públicos, é susceptíbel de ser audidata polo Consello, o que coloca a Rodríguez nunha situación complicada políticamente.