O paso dunha fronte asociada á borrasca Frederico non permite gardar os paraugas

As choivas serán este xoves fortes ou persistentes en Galicia e haberá probables néboas en áreas da meseta e en zonas de montaña do terzo norte, mentres que no litoral de Galicia e de Asturias espérase ondada forte, segundo a predición da Axencia Estatal de Meteoroloxía (AEMET), que espera tempo estable e temperaturas máis altas do normal na maior parte do país.

En xeral, en boa parte do país espérase que continúe un tempo anticiclónico e predominarán os ceos pouco nubrados ou con intervalos de nubes medias e altas.No entanto, o paso dunha fronte atlántica asociada á borrasca Frederico deixará ceos nubrados ou cubertos no noroeste e norte peninsular con precipitacións, en xeral débiles,que afectarán a Galicia. As precipitacións serán máis abundantes no oeste da comunidade, onde poderían chegar a localmente fortes ou persistentes e desprazásense de oeste a este ao longo do día, tendendo a cesar no noroeste ao final.

O vento soprará de compoñente sur e do oeste no noroeste e norte, máis intenso en Galicia e Cantábrico, onde se poderían dar intervalos fortes e refachos moi fortes en litorais e zonas expostas.

Unha persoa camiña polo paseo marítimo da Coruña. | Fonte: M. Dylan