Recollen 1,13 millóns de toneladas de residuos urbanos en Galicia en 2021

As empresas xestoras recolleron 1,13 millóns de toneladas de residuos urbanos en Galicia en 2021, deles 930,2 mesturados, 48,2 de vidro, 40 de papel e cartón e 32,8 de envases mixtos, segundo os datos que publica este luns o Instituto Nacional de Estatística (INE).

Mentres, a recollida de residuos urbanos por habitante situouse en Galicia en 419,6 quilogramos, o terceiro menor dato despois de Madrid e A Rioxa. No conxunto estatal, as empresas xestoras de residuos urbanos recolleron 22,7 millóns de toneladas de residuos en 2021, un 4,4% máis que no ano anterior.

Destes, 17,1 millóns de toneladas corresponderon a residuos mesturados e 5,6 millóns a residuos de recollida separada. As autonomías que máis residuos urbanos recolleron durante 2021 foron Andalucía (4,6 millóns de toneladas), Cataluña (3,6 millóns) e Comunitat Valenciana (2,7 millóns).

Cataluña foi a comunidade onde se recolleu a maior cantidade de papel e cartón (412,7 miles de toneladas), de vidro (189,7 miles) e de envases mixtos (191,1 miles).

Mergulladores retiran máis de 2 toneladas de residuos do fondo do illote Guidoiro Areoso. AFUNDACIÓN - ABANCA