O Sergas adxudica 1,2 millóns sen publicidade á empresa dun ex-ministro

Everis, cuxo vicepresidente é o ex-ministro de Defensa Eduardo Serra, gaña o concurso para unha Central de Simulación Médica Avanzada malia presentar a oferta máis caras entre as únicas dúas que solicitou o SERGAS.

Por Manuel Vilas | Santiago | 10/07/2015 | Actualizada ás 08:00

A Consellería de Sanidade acaba de adxudicarlle máis de 1,21 millóns de euros a Everis mediante o procedemento negociado sen publicidade. É dicir, sen publicar os pregos de condicións e sen abrir un prazo para que se presenten todas as empresas interesadas, senón invitando a Administración a determinadas compañías.

Segundo figura na documentación a que tivo acceso GC, a consultora cobrará 1,05 millóns máis IVE polo servizo de deseño, desenvolvemento e demostración dun centro virtual de desenvolvemento e demostración ,dun centro virtual de xestión e análise avanzado automatizado do entrenamento sanitario, dentro do subproxecto "GS5-IS-8: Central de simulación médica avanzada.

Everís está vinculada ao Partido Popular a través de Eduardo Serra Rexach, quen fora ministro de Defensa no primeiro goberno de José María Aznar. Serra Rexach é conselleiro de Everis, vicepresidente do grupo e presidente da Fundación Everis, da que depende outra institución, a Fundación Transforma España.

A Consellería de Sanidade, consultada por GC sobre os motivos de sacar un contrato de tan elevada cuantía mediante unha vía que impide a competencia entre todas as empresas do sector, explica que se invitou unicamente a Everis e a T Systems ITC Iberia porque foron estas dúas empresas foron as únicas que se presentaron a outro concurso idéntico, convocado o ano pasado, que a Xunta declarou deserto porque "a documentación presentada non era a debida".

Voceiros oficiais aseguran que "parece lóxico que an segunda convocatoria" só se invite aos candidatos do ano pasado e se lle diga "correxide xa a documentación".

T Systems ITC Iberia presentou unha oferta máis barata que Everis pero a compañía gañou o concurso grazas a súa maior puntuación na suma dos criterios de avaliación subxectiva.

Transforma España, dependente de Everis, é autora do chamado "decálogo de un programa electoral" ,que o ex-ministro anda a presentar estes días nos medios. Serra asegura que as dúas maiores demandas dos electorado para os programas son que se explique a política de pactos para despois das eleccións e que se poñan cifras económicas a canto vai custar cumplir as promesas, dúas liñas argumentais que tamén defende o PP.

3 Luz Rey Lago

¿Por qué é necesario ter un centro tecnolóxico médico avanzado de adestramento cando xa hai un no Hospital Materno Infantil da Coruña?

2 Carlos Maceira

Pois non son dos piores. Hainos que vas ao Concelho a presentarlhes prezos antes do concurso e din os funcionarios en voz alta, con total normalidade democráticas, que aínda que ponhas os prezos moito máis baixos, xa está dado. EVERIS xa vai por diante. Non anda con trapalhadas diplomáticas. Adxudicáronlhe ese contrato pensando neles e máis nada. Pero, si quixeran, que o fan moitos, dar o orzamento máis pequeno que a competencia e ganhalo, e logo, meses máis tarde, inflar moito o orzamento orixinal con gastos inesperados ou outras cousas. Estamos afeitos a esas artimanhas de xente cutre e non hai máis que falar con xente da contorna para saberen que, lóxicamente, tomannos por parvos, e ás veces, con moita razón.

1 galegoexiliado

E xa que é un Centro Virtual... de Simulación Médica, é decir, un Cospedal, ¿pagaranlle en bitcoins, moneda virtual, en efectivo, ou farán una simulación de pago en diferido? Hai que ver a cantidade de chiringuitos que se inventan os expolíticos pa seguir mamando das arcas públicas. E os votantes babeando de admiración.