Xulgan a un home e a unha muller por abusar sexualmente dun menor de 16 anos e por exhibicionismo

A sección segunda da Audiencia Provincial da Coruña celebrará o día 18 un xuízo por delito de abuso sexual a menor de 16 anos e exhibicionismo polos que se imputa a un home e a unha muller. Por cada delito e para os dous, o Ministerio Público pide, respectivamente, seis anos de cárcere e un de prisión.

Polo delito de abuso sexual, considera a Fiscalía que debe imporse aos acusados, ademais, a medida de liberdade vixiada durante tres anos, con posterioridade á pena privativa de liberdade. Así mesmo, expón impor aos dous a prohibición de achegarse á vítima, ao seu domicilio, lugar de traballo ou calquera outro lugar no que se atope.

"A unha distancia inferior a 300 metros e a prohibición de comunicarse con el por calquera medio, por un prazo de sete anos", engade. No caso da acusada solicita a privación da patria potestade respecto do menor. Os feitos tiveron lugar no domicilio no que convivían, en varias ocasións en setembro de 2019, segundo o escrito de cualificación do Ministerio Fiscal.

Exterior da Audiencia Provincial da Coruña | Fonte: Arquivo