Celso Emilio Ferreiro, o "nacionalista galego" que falaba a "lingua proletaria" do pobo
Gonçales Blasco presenta este sábado en Celanova unha obra coa faciana máis nacionalista do poeta.
Por Galicia Confidencial | Celanova | 30/01/2024 | Actualizada ás 10:28
eu fáloa porque sí, porque me gosta,
porque me peta e quero e dame a gaña
porque me sai de dentro, alá do fondo..."
A faciana máis nacionalista de Celso Emilio, o poeta do pobo. Luís Gonçales Blasco presenta este sábado, 3 de febreiro, na Casa de Curros de Celanova (11,30 horas) o seu último enasaio, Celso Emilio Ferreiro, nacionalista galego, editado por Xerais. O autor estará acompañado por Xabier Ferreiro, fillo de Celso Emilio. Haberá un coloquio e sinatura de exemplares.
“Ás veces, hai xente que se estraña ao saber que aos dezasete anos Ferreiro xa daba discursos galeguistas. Non é de estrañar sabendo que na súa casa había libros galegos: seu pai fora das Irmandades da Fala e amigo de Porteiro Garea; as súas visitas a Ourense e o trato cos galeguistas da cidade incrementou a súa tendencia”, conta Gonçales Blasco, que coñeceu e militou políticamente co Celso Emilio.
O acto está organizado polo Comité de Memoria Histórica da Comarca de Celanova, e completa a primeira queda de conferencias para a reivindicación e actualización dos perfís políticos de tras figuras históricas da vila, após das presentacións de Xosé Estevez sobre Xosé Velo (2021) e o propio Estévez xunto a Uxío-Breogán Diéguez sobre Velo o pasado verán, e a de Xurxo Martínez sobre Luís Soto en Vilanova no 2021.
