18F.- Lois quere "nos 100 primeiros días" de goberno con BNG e PSdeG plans en sanidade, vivenda e fiscalidade

A candidata de Sumar á Presidencia da Xunta, Marta Lois, avanzou que proporá, tras o "cambio histórico" que vaticina tras as eleccións do domingo, a BNG e PSdeG que o goberno "progresista" que se abrirá a partir do 19 de febreiro impulse nos seus 100 primeiros días un "rescate" para a sanidade pública, limite o prezo do aluguer e aumentar a fiscalidade "aos que máis gañan".

Así o sinalou en declaracións aos medios antes de participar nun acto xunto a vicepresidenta segunda do Goberno, Yolanda Díaz, e en portavoz de Sumar no Congreso, Íñigo Errejón, celebrado na Facultade de Ciencias Políticas da USC, onde a propia Lois é profesora.

"A partir do 19 de febreiro, con ese cambio histórico dun goberno a tres en Galicia, vou pedir a BNG e PSdeG que nos sentemos e acordemos o tres primeiras medidas para impulsar nos 100 primeiros días", declarou ante os xornalistas Lois.

O primeiro bloque de medidas estarían orientadas, como explicou, a pór en marcha "un plan de rescate" para a sanidade pública que inclúa "a saúde mental nos centros de saúde". O segundo sería "un plan valente e transformador" para limitar o prezo dos alugueres en aplicación da Lei estatal de Vivenda. "Non pode ser que a xente nova galega, que as familias traballadoras non se poidan permitir o pago dun aluguer ou dediquen o 70% do seu salario a el", engadiu Lois.

Por último, a terceira e última medida sería un aumento da fiscalidade "para que paguen máis as grandes eléctricas, as grandes corporacións empresariais que teñen moitos beneficios e a xente con rendas elevadas".

Así as cousas, Lois incidiu en que estas serían as prioridades no caso de que se produza un cambio que permita pór en marcha un goberno "da alegría", para o que é necesario que Sumar estea "dentro". "Só con Sumar é posible o cambio. Dino todos os datos, todas as enquisas electorais. Non hai posibilidade de cambio con dúas forzas progresistas", insistiu.

(I-D) A vicepresidenta segunda e líder de Sumar, Yolanda Díaz; a candidata á Presidencia da Xunta, Marta Lois; o portavoz de Sumar no Congreso, Iñigo Errejón; e o portavoz da comisión promotora de Sumar Galicia, Paulo Carlos López; partici. Agostime - Europa Press