A CIG reclama a xubilación anticipada aos 60 anos do persoal da sanidade pública no novo estatuto marco

O sindicato CIG reclama que o novo estatuto marco recoñeza o dereito á xubiliación anticipada aos 60 anos do persoal da sanidade pública. A central nacionalista explica que a lei xeral da seguridade social, no seu artigo 206, xubilación anticipada por razón da actividade, contempla que a idade mínima de acceso á pensión de xubilación poida ser rebaixada naqueles grupos ou actividades profesionais cuxos traballos sexan de natureza excepcionalmente penosa, tóxica, perigosa ou insalubre e teñan elevados índices de morbilidad ou mortalidade.

Estas condicións, destaca a CIG, están presentes nos traballadores da sanidade pública, "como se demostra coa elevada incidencia de baixas laborais a partir dos 55 anos". "Entre os traballadores da sanidade pública hai colectivos cunha longa vida laboral, con anos de cotización que exceden, con moito, os necesarios para acceder á pensión máxima, e que tamén debe ter o dereito a xubilarse aos 60 anos", reivindica.

Profesionais sanitarios saen da Cidade de Cultura | Fonte: Europa Press