Caen as vendas da industria galega un 3% en 2023, maior descenso que a media española
Por Europa Press / Redacción | SANTIAGO DE COMPOSTELA | 21/02/2024 | Actualizada ás 10:54
A facturación da industria galega caeu un 2,9% en 2023 en comparación con 2022, un descenso máis acusado que o da media española (-1,9%), segundo os datos publicados polo o Instituto Nacional de Estatística (INE) este mércores.
Este descenso rompe con dous anos consecutivos de incrementos medios de vendas da industria en Galicia con crecementos a dobre díxito, pois a última cifra de negocios negativa produciuse o ano de comezo da pandemia, en 2020. No tocante só ao mes de decembro, hai unha baixada do 11% na industria galega respecto ao mesmo mes de 2022. Tamén máis un descenso máis acusado que o da media española (-8,7%).
A cifra de negocios da industria baixou unha media do 1,9% en 2023 tras dous anos crecendo a dobre díxito en España. As vendas da industria rexistraron un aumento marca do 20,7% en 2022 e un avance do 16,2% en 2021. En 2020, primeiro ano de pandemia, afundíronse un 11,7%.
Corrixidos os efectos estacionais e de calendario, a facturación da industria descendeu unha media do 1,6% no país en 2023. En decembro de 2023, a industria recortou as súas vendas un 8,7% interanual, cun descenso do 4,4% na serie corrixida.
