Morre un home ao caerlle unha árbore que estaba cortando en Ponteareas

Un home morreu este mércores no municipio pontevedrés de Ponteareas ao caerlle encima unha árbore mentres realizaba unha talla nunha leira da parroquia de Xinzo.

Segundo informou o CIAE 112 Galicia, o suceso tivo lugar minutos antes das 09,00 horas nunha leira propiedade do falecido situada no lugar da Barreira. O home foi golpeado por unha árbore que acababa de cortar, traballos que realizaba en compañía doutra persoa que foi a encargada de dar a voz de alarma aos servizos de emerxencia.

Ata o lugar mobilizouse un equipo de Urxencias Sanitarias 061 desprazados no helicóptero con base en Ourense, que non puideron facer nada pola vida do falecido.

Talla de árbores | Fonte: ECOLOXISTAS EN ACCIÓN