Galicia duplica os procesos de disolucións de empresas no primeiro trimestre
Tramitou case un cento de procedementos concurais, un 125% máis que no mesmo periodo de 2022.
Por Europa Press / Redacción | SANTIAGO DE COMPOSTELA | 08/04/2024 | Actualizada ás 13:59
Galicia rexistrou un total de 99 procedementos concursais durante o primeiro trimestre deste ano, máis do dobre (+125%) que no mesmo período de 2023, segundo datos de Informa D&B.
O incremento de Galicia é superior ao 58% de alza que se computa na media española. España rexistrou 2.282 procedementos concursais no primeiro trimestre do ano. Mentres, Galicia leva 580 disolucións no que vai de 2024, un 4,3% máis que no primeiro trimestre de 2023. Contrasta coa caída do 5% que se anota a media do país, onde houbo 10.052.
Cataluña é a autonomía con máis concursos no primeiro trimestre do ano, 546, co maior incremento en valor absoluto, 187. Tras ela Madrid, con 280, un 20% máis que no mesmo período de 2023. Os datos descenden unicamente en Aragón e Baleares, un 19% en ambos os casos, e Melilla, que non contabiliza ningún proceso nestes meses.
Pola súa banda, Madrid é a comunidade con máis procedementos especiais para microempresas desde xaneiro, 169, o 48% do total, e lidera ademais os plans de reestruturación, con 17, un descenso do 32% respecto do tres primeiros meses de 2023. En total, Cataluña acumula durante o trimestre 586 procedementos concursais, un 50% máis, Madrid 466, un avance do 79%, e Valencia 297, subindo un 33%.
