Detido un veciño de Carballo que se atrincheirou na súa casa tras disparar a outro

Un veciño de Carballo foi detido tras unha liorta con armas de fogo e atrincheirarse logo na súa casa, segundo informaron a Europa Press fontes da Garda Civil. O suceso produciuse este mércores tras a citada liorta na zona do Sixto. Ao lugar, desprazáronse patrullas territoriais, ademais da Policía Local.

O considerado presunto autor dun disparo a outro veciño do municipio encerrouse, tras os feitos, na súa casa polo que se solicitou a presenza da Unidade de Seguridade Cidadá da Garda Civil. Ante o despregamento policial, o home acabou entregándose voluntariamente e foi, finalmente, detido, precisaron as fontes consultadas.

Un axente da Garda Civil | Fonte: Garda Civil