Por Europa Press / Redacción | MADRID | 19/05/2024 | Actualizada ás 12:12
As vivendas turísticas aumentaron un 9,2% en España no último ano (febreiro de 2024 respecto de febreiro de 2023), cun total de 351.389 apartamentos, segundo datos do Instituto Nacional de Estatística (INE). En Galicia, a cifra de pisos turísticos sitúase en 17.883, un 21% máis.
Todos estes pisos turísticos representan o 1,33% do total de vivendas en territorio español, mentres que hai un ano concentraban o 1,21%. Estas cifras son xa superiores ao 1,29% que supuñan en outubro do ano pasado, con 340.424 pisos de uso turístico.
Por comunidades autónomas, Andalucía lidera o número de apartamentos turísticos, con 82.454 (+17,5%), seguida da Comunidade Valenciana e Cataluña, con 59.413 (+19%) e 52.598 pisos (+15%), respectivamente. Séguenlles Canarias (46.784 e +9,6%), Baleares (25.073 e -1,2%), Madrid (19.456 e +19%) e Galicia (17.883 e +21%).
En canto ás prazas que supoñen este total de vivendas turísticas, alcanzaron a cifra de 1.751.263 en febreiro deste ano, fronte ás 1.545.368 do mesmo mes de 2023, un 13,3% máis. Ademais, as prazas por vivenda turística pasaron así ás 4,98, lixeiramente inferiores aos anteriores anos en que supuñan 5,06 por piso.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.