Tres persoas, entre elas un bebé, feridas tras chocar contra un poste en Porto do Son
Por Europa Press / Redacción | SANTIAGO DE COMPOSTELA | 19/05/2024 | Actualizada ás 21:06
Tres persoas, entre elas un bebé, resultaron feridas este domingo tras chocar o vehículo no que circulaban pola estrada AC-550, no municipio coruñés de Porto do Son, contra un poste da luz.
Segundo informou o 112 Galicia, a central de emerxencias activou un dispositivo despois de que un particular alertase deste sinistro ás 18.00 horas. En concreto, o accidente produciuse na parroquia de Goiáns. O vehículo chocou contra un poste da luz e danou outro poste, que os bombeiros tiveron que asegurar.
No operativo tamén participaron axentes da Garda Civil de Tráfico, membros de Protección Civil de Porto do Son e persoal do Servizo de Urxencias Sanitarias de Galicia-061, que trasladou aos feridos ao centro de saúde de Noia.
