Atallada unha gran inundación nun edificio deshabitado que ameazaba a parede doutro inmoble en Narón
Por Europa Press / Redacción | Narón | 21/05/2024 | Actualizada ás 10:14
Os bombeiros de Narón e axentes da Axencia Galega de Emerxencias (Axega) empregaron unha bomba de achique para atallar unha gran inundación nun edificio deshabitado que ameazaba o muro que o separaba doutro inmoble.
Segundo informa o 112 Galicia, ocorreu na tarde do luns na rúa Reis Meigos, en Xubia. Varios veciños chamaron ao 112 para alertar dunha gran cantidade de auga acumulada no baixo dun edificio deshabitado.
De acordo cos seus cálculos, eran 200 metros cadrados de superficie alagados cunha profundidade de cinco metros. Esta gran cantidade exercía unha forte presión sobre os muros que puñan en risco a estabilidade do edificio lindeiro, que si estaba habitado.
Por esta razón, os bombeiros de Narón solicitaron a colaboración da Axega, que dispón dunha bomba de achique de gran caudal que foi capaz de absorber 60.000 litros de auga. Tamén se puxeron os feitos en coñecemento da Policía Local e a Nacional.
