Policía Local de Sanxenxo e Garda Civil colaboran para manter a seguridade cidadá e o control do tráfico no verán
O subdelegado destacou a "boa tendencia" das estatísticas da criminalidade. Así, no primeiro cuadrimestre do ano o número de delitos reduciuse nun 7,5% con respecto ao mesmo período de 2023
Por E.P. | Sanxenxo | 05/06/2024 | Actualizada ás 18:06
A Garda Civil e a Policía Local intensificarán a súa colaboración no municipio pontevedrés de Sanxenxo para manter a seguridade cidadá como do tráfico rodado durante os meses de xullo e agosto.
Así o acordaron na xunta local de seguridade que estivo copresidida polo subdelegado do Goberno en Pontevedra, Abel Losada, acompañado do alcalde de Sanxenxo, Telmo Martín, entre outras autoridades.
O subdelegado destacou a "boa tendencia" das estatísticas da criminalidade. Así, no primeiro cuadrimestre do ano o número de delitos reduciuse nun 7,5% con respecto ao mesmo período de 2023.
A mesma tendencia rexistrouse no que ten que ver co control da violencia de xénero, xa que actualmente hai 25 mulleres no sistema 'VioGén' e ningunha delas está cualificada como risco extremo.
A cifra, apuntou a Subdelegación do Goberno en Pontevedra nun comunicado, evidencia unha "diminución constante" desde o pico de 33 rexistrado durante o pasado ano.
Ademais, aceptaron crear un grupo de traballo para a delimitación sobre o plano dos ámbitos de actuación da Garda Civil e a Policía Local no que se refire ao control do tráfico.
