Ferido un home tras caer desde un tellado en Ribadavia
Estaba a tres metros de altura.
Por Europa Press / Redacción | OURENSE | 07/06/2024 | Actualizada ás 19:24
Un home resultou ferido tras precipitarse desde un tellado, de tres metros de altura, no que realizaba uns traballos particulares no municipio ourensán de Ribadavia. Segundo detallou o 112, foi un particular o que ao fío das 17,00 horas deste venres o que deu a voz de alarma e explicou o suceso produciuse na rúa Progreso.
A central de emerxencias deu aviso a Urxencias Sanitarias de Galicia-061, que mobilizou o helicóptero medicalizado con base en Ourense, ao GES de Ribadavia, Garda Civil de Ourense, Policía Local e Agrupación de Voluntarios de Protección Civil do propio municipio.
Posteriormente, a Policía Local confirmou que era un veciño que realizaba uns traballos particulares no tellado e que tivo que ser trasladado ao hospital.
