Concellos galegos urxen á tramitación da Lei ELA

Un total de nove concellos galegos --Santiago, Nigrán, Muros, Monforte de Lemos, Moaña, A Laracha, Ferrol, Cambre e O Barco de Valdeorras-- uníronse publicamente á declaración institucional impulsada pola Asociación Galega de Esclerose Lateral Amiotrófica (Agaela) coa que urxiu a tramitación da Lei ELA.

Segundo informou Agaela nun comunicado, coa lectura desta declaración institucional nos seus plenos, os concellos comprométense a facer "unha petición alta e clara" ás Cortes Xerais para instar por escrito ao poder lexislativo estatal a que proceda á tramitación "de maneira preferente, urxente e prioritaria" da Lei ELA.

Ademais, comprometeronse a "instar por escrito" á Deputación da Coruña e á Xunta para que "teñan en conta" as necesidades do colectivo de enfermos e familiares, así como a "seguir prestando apoio público" ás reivindicacións de Agaela e a colaborar de diferentes formas.

Desta forma, os concellos únense á reivindicación realizada por Agaela no Congreso. Mediante o seu apoio público, reclaman que os podes públicos "póñanse á altura" dos enfermos e das súas familias, asociacións e entidades colaboradoras que fixeron un "exercicio exemplar de dignidade, superación e valoración da vida".

O edificio administrativo da Xunta en San Caetano, en Santiago de Compostela, iluminado de cor verde con motivo do Día Mundial das Enfermidades Raras | Fonte: XUNTA - Arquivo