O BNG reclama ao Goberno unha "solución" para acceder á estación de tren en Teixeiro

O BNG pediu ao Goberno central "rectificar" e "dar unha solución para acceder á estación de tren de Teixeiro", en Curtis tras, engade, pechar o paso de peóns a nivel.

Faino tras rexistrar o seu deputado no Congreso, Néstor Rego, iniciativas para que Adif explique "as razóns que levaron a valar o acceso sen solución alternativa".

Nelas, demanda ao Ministerio de Transportes habilitar un paso de peóns elevado ou a ampliación e mellora do paso subterráneo como alternativa.

Pide, ademais, diálogo á Administración central cos veciños afectados e co Concello de Curtis para acordar, sinala, "a mellor solución".

Foto de arquivo dun tren de Renfe | Fonte: RENFE - Arquivo