Que pasa co banco marisqueiro de Arcade?

Os mariscadores de Acade reforzaron a vixilancia das diferentes zonas de marisqueo co obxectivo de preservar o produto e controlar a súa evolución. Todo iso, ante a "grave situación" que vive o colectivo derivada dunha "baixada brutal de produción" na ría e a "falta de ingresos" polas escasas recoleccións desde fai máis dun ano.

Tal e como explicaron nun comunicado, as mariscadoras crearon quendas de 10 profesionais que se distribuirán en horario de marea nas diferentes zonas evitando tamén a acción dos furtivos.

A medida foi adoptada despois da actividade das dúas últimas mareas nas que comprobaron a "escaseza ou nulidade" de marisco en zonas onde antes eran "grandes produtoras e xeradoras de moluscos".

Unha mariscadora colle unha cría de ameixa na enseada de San Simón cando hai queixa dos mariscadores por baixa producion | Fonte: Adrián Irago - Europa Press