Por E.P. | SANTIAGO DE COMPOSTELA | 12/07/2024 | Actualizada ás 10:40
A compañía dixital ourensá Redegal, que este ano celebra o seu 20 aniversario, facturou máis de 10 millóns de euros en 2023, alcanzado o oito díxitos de facturación por primeira vez. A entidade de alcance global presentou os resultados consolidados do exercicio de 2023 cun avance e crecemento importantes nos seus principais obxectivos de negocio.
Así, conforme detallou nun comunicado, durante o ano anterior, alcanzou un Ebitda normalizado de 1,25 millóns de euros (descontando os gastos derivados da futura saída ao mercado bolsista).
Este dato supón un incremento do 14% sobre os resultados obtidos en 2022 e continúa na senda de crecemento cun resultado neto positivo a peche de 2023. Con respecto aos seus resultados por liñas de negocio, o 62% das vendas corresponden a mercadotecnia dixital, o 38% á área de tecnoloxía. Redegal destacou que estas cifras de crecemento avalan a senda marcada en termos financeiros a peche de 2023, e acreditan a estratexia de negocio da compañía.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.