Dous feridos nunha colisión entre dous vehículos en Coles
Por Europa Press / Redacción | SANTIAGO DE COMPOSTELA | 13/07/2024 | Actualizada ás 21:09
Dúas persoas resultaron feridas este sábado nunha colisión entre dous vehículos na N-525, en Gustei, no municipio ourensán de Coles.
Segundo informou o 112, o sinistro produciuse pouco antes das 15.00 horas.Alí foron os medios e recursos para atender ás dúas persoas que resultaron feridas e para liberar a unha delas, que estaba atrapada nun dos coches implicados.
Tratouse dun choque entre dous turismos, e a consecuencia do impacto, un dos ocupantes quedou atrapado. Por iso, tiveron que intervir os membros do GES de Pereiro de Aguiar e os Bombeiros do Carballiño.
Así, unha vez liberado, foi evacuado xunto co ocupante do outro turismo, ao centro hospitalario de referencia. Un equipo de Urxencias Sanitarias de Galicia-061 encargouse dos traslados.
No operativo tamén colaboraron os voluntarios de Protección Civil e os axentes da Garda Civil, que trataron de coñecer todos os datos sobre o accidente.
